周家蔚2012年嫁咗畀洪天明之後誕下兩子大仁同竟琋，眨吓睇兩個都已經分別7歲同5歲喇!尋日周家蔚上戴咗幾張相，兩個小朋友趁住一年一度嘅母親節向媽媽表孝心，不過認真啲睇，相中嘅主角竟然唔係周家蔚，而係一位長腿女子，究竟係咩人嚟呢？
{{hket:inline-image name="81622665_2487649634895499_6641791133982218354_n.jpg"}}{{/hket:inline-image}}
（周家蔚IG）
洪天明上載咗一條短片，片段中兩個囝囝拎住自己親手畫嘅母親節卡歡天喜地咁衝落樓梯，不過當「媽媽」擰轉面嘅時候，竟然係男扮女裝嘅天明。本身咁靚女嘅媽媽變到咁驚嚇，兩個都走夾唔抖，天明就拋出一句：「我只想感受到，媽媽的偉大呀。」天明仲曬出佢嘅光管腳長腿，霎眼睇，成個Top model咁呀。
{{hket:inline-image name="6.jpg"}}{{/hket:inline-image}}
喂呀～好似睇完有啲不安。（洪天明IG）
{{hket:inline-image name="97155137_246838029730339_796120506279421848_n.jpg"}}{{/hket:inline-image}}
有網民話天明呢個樣似陳柏宇太太，大家覺得呢？（周家蔚IG）
{{hket:inline-image name="1.jpg"}}{{/hket:inline-image}}
都咪話唔嚇親～（洪天明IG）
天明整色整水都係為博天下母親一笑，原來天明呢個妝同假髮造型都係出自真·媽媽周家蔚。唔少圈中嘅朋友見到都好大反應，唐詩詠仲話第一眼以為係家蔚，林子善就留言話下次如果見到佢係呢個造型出現要打佢兩巴！周家蔚自己都留言：「You think you can replace me? Never!!!」（你以為可以取代我？永遠都唔可能！）
{{hket:inline-image name="5.jpg"}}{{/hket:inline-image}}
見到咁大隻手掌即刻露餡。（洪天明IG）
雖然天明反串造型好爆，不過唔少網民都將focus放咗喺佢一對愈大愈靚仔嘅寶貝仔身上。近期受疫情影響，一對小朋友都停課，反而令佢哋多咗時間喺屋企，天明不時都會拍片分享，兩個囝囝表演欲都好強，盡得佢演藝世家嘅真傳呀！
{{hket:inline-image name="96107959_166918201392556_2693047555413609596_n.jpg"}}{{/hket:inline-image}}
呢個畫面順眼好多！（周家蔚IG）
{{hket:inline-image name="555.jpg"}}{{/hket:inline-image}}
眨吓眼咁大個。（洪天明IG）
{{hket:inline-image name="222.jpg"}}{{/hket:inline-image}}
弟弟都有少少怕怕醜醜。（洪天明IG）
{{hket:inline-image name="111.jpg"}}{{/hket:inline-image}}
哥哥似乎天生食呢行飯！（洪天明IG）
{{hket:inline-image name="333.jpg"}}{{/hket:inline-image}}
（洪天明IG）
{{hket:inline-image name="999.jpg"}}{{/hket:inline-image}}
細仔都仲會錫錫爸爸表愛意，天明問小朋友係咪去到12歲就唔會再錫爸爸，似乎好唔捨得佢哋長大！（洪天明IG）
撰文：黃蘊姿
